Suna Hai Jangalon Ka Bhi Koi Dastoor Hota Hai

Suna Hai!

Shaer Ka Jab Pait Bher Jaye

To Wo Hamla Nahi Kerta

Suna Hai!

Hawa K Taiz Jhonkay Jab

Darakhton Ko Hilatay Hain

To

Kabootar Apnay Ghar Ko Bhool Kar

Kawway K Andon Ko Paron Mai Tham Letay Hain

Suna Hai!

Ghonslay Se Jab Koi Bachcha Giray To

Sara Jungle Jaag Jaaataa Hai

Suna Hai!

Koi Pul Toot Jaye

Aur

Sailaab Ajaye

To

Kisi lakdi k Takhtay Per

Gulehri, Saanp, Cheeta or Bakri

Sath Hotay Hain

Suna Hai Jangalon Ka Bhi Koi Dastoor Hota Hai

Khuday e Munsif  O Akber!

Meray Mulk Mai Ab Jangalon Ka hi Koi Dastoor Nafiz Kar

Ameen!