Firaaq-E-Yar Ki Barish Malaal Ka Mousam

Humarey Shehar Mein Utra Hai Kamaal Ka Mousam

Wo Ek Dua Meri Jo Na Muraad Loat Aai

Zuban Se Roth Gaya Phir Sawal Ka Mousam

Bohat Dinno Se Mere Zehan K Darichon Mein

Theher Gaya Hai Ek Khayal Ka Mousam

Jo Be-Yakeen Hon Baharen Ujarr Bhi Sakti Hein

Tu Aa K Dekh Le Mere Zawal Ka Mousam

Koi Mila Hi Nahi Jis Ko Sonptay Mohsin

Hum Apney Khawab Ki Khushbu-O-Khayal Ka Mousam