Suraj Pe Dastak Dena Asan Nahi

Suraj per dastak dena….asaan nahin!
Apna haath jala lena….asaan nahin!
Chal ker apnay paaun se
Khailna garm shuaaon se…asaan nahin!
asaan nahin!

Pal pal be awaz si ik awaz sunai deti hay
Us awaz kmain dhundli si ik shakal dikhai det hay
Lakin us ko choo lena….
Sholon se khushbu lena….asaan nahin!
asaan nahin!

Jhulas rahi hay aas meri suraj k taiz alaao per
Meray pagal pan ne laga di apni ana b dao per
Seedha perhna dao ka….
Bhujhna taiz alaao ka….asaan nahin!
asaan nahin!

Jeewan k ik asay dorahay per gum sum si khari hun main
Idher murhun ya udher ko jaun,is uljhan main pari hun main
Nai dagar ko murh jana….
toot k phir se jurh jana….asaan nahin!
asaan nahin!

lamha lamha Khinchta jaye kisi ki janib dil mera
Jorh dia taqdeer ne shaid us se mustaqbil mera
Jurh k bandhan kat jana….
Barh kar peechey hat jana….. asaan nahi
asaan nahin!