Kia Hai Pakistan K Pas In Dino Bhook, Iflaas, Bechargi. Economical, Natural, Or Political Disasters Se Behaal Hamari Mumlikat E Khudadad Is Waqt Maghrib Ki Taraf Hath Phailay Hoe Khari hai, Izzat E Nafs Ki Koi Gunjaish Banti Hi Nahi. Hum Jo Dollars Or Pounds Mai Imdaad Bator Rahay Hain, Kia Bacha hai Hamaray Pas.
Kahin 2 Bhai Insaani Darandigi Ka Shikaar Hogaye To Kahin Aik Shakhs Khud Hi Apni Bivi Or 5 Bachon Ko Qatl Ker Daita Hai, Kahin 3 Afrad 30 Rupay Ki Kasheedgi Ka Shikaar Ho Jatay Hai Fi Kas Insaan Ki Qeemat Kia Hai Shayad 10 Rupay Bhi Nahi. Aisay Mai Bhi Aik Zanjeer Thi Jis Nay Pakistanion Ko Aik Sath Bandha Hoa Tha
Hamari Cricket, Aik Jazba Hota Tha Puri Quam Ka K Hamen Jeetna Hai, Dua Ki Jati, Mannatain Maani Jatin, Yahan Tk K Sadqa Khairat Bhi Barh Jati. Jis Din Pakistan Ka Koi Match Hota To Sadkain Khali Hojatin.
Phir Quam Ki Umeedain Is Shuabay Se Bhi Tootnay Lagin, Zahir Hai Jab Hamaray Kisi Idaray Nay Apnay Aap Ko Shaffaf Sabit Nahi Kia To Cricket Kio Peechay Rahay. Pichlay 20 Saaalon Mai Kai So Called Baray Or Namwar Cricketers K Naam Badunwanion Mai Zahir Hotay Rahay Hai. Lekin Jaisay Mai Apnay Pichlay Articles Mai Bhi Likh Chuki Hoon K Hum Un Logon Mai Se Hain Jo Apni Ghaltion Se Kabhi Nahi Seekhtay.
Mai Ne Aik Site Jahan Urdu Literature Free Mai Available Hota Hai Subscribe Kerwai Hoi Hai. Kal Wahan Se Aik Notification Aya Jis Mai Kuch Books K Links Ki List Thi. Aik Title Ne Muje Aagay Nahi Barhnay Dia. Title Tha
“Aao Pakistan Loootain”
.Perhna Shoru Kia To Aisay Corrupt Hukamranon Or Afsar E Shahi Ki Taweel List Thi Jo Pakistan Ko Barson Se Loot Rahay Hain
Puri Kitab To Muj Se Parhi Hi Nahi Gai Lekin Kuch Naam Dekh Ker Apni Baat Ko Khud Hi Second Kia K Hum Apni Ghaltion Se Kabhi Nahi Seekhtay.
Khair Baat Ho Rahi Thi Cricket Ki. 3 Din Se Aik Muamma Hal Nahi Ho Ker De Raha K Aaya Wo 7 Players Guilty Hain Ya Nahi. Subut Un K Khilaf, Pichlay Kai Matches Ki Kaarkerdagi Un K Khilaaf. Chairman Un Ka Aisa K Log Bajamat Us Ko Galiyan Detay Nahi Thaktay To Manager Aisa Jis Ko Kisi Ki Baat Sunai Hi Nahi Deti To Samaj Kia Aaye Gi.
Pehlay Hi Mai Ne Ziker Kia K Izzat E Nafs Ki To Gunjaish Banti Hi Nahi Upper Se Aisi Sharmindagi. Ilzaam Lagaa Dia Gaya Hai Abhi Tk Sabit Nahi Hoa Lekin Hamaray Quami Or International Media Ne Baat Ko Itna Zor Se Uchala Hai K Keechar Puri Quam K Muh Per Lagi Hai.
Dr Mohammad Iqbal ne kaha tha
Ae Taair E Lahooti! Us Rizq Se Moat Achi
Jis Rizq Se Aati Ho Parwaaz Mai Kotahi
Kuch Arsa Pehlay Aik Taqreeb E Mayoon Attend Ki Thi Jis Mai Ladkay Or Ladki Ki Taraf Se Shadi K Geeton Ka Muqabla Jaari Tha Ladkay Walon Ki Team Past Pari To Ladki Walo Ne Shor Macha Dia
“Girti Hoi Dewaar Ko Aik Dhakka Or Do”
Manzar Badal Gaya Hai Yahan Shadi Nahi Barbadi Lagi Hai. Nafsa Nafsi Ka Aalam Hai Or Hamaray Tamashai Awazain Kas Rahay Hain
“Girti Hoi Dewaar Ko Aik Dhakka Or Do”
Syeda Momna Gull