Kaha Main Nay Kahan Ho Tum????
Jawab Aya Jahan Ho Tum…:)

Mere Jeevan Say Zaahir Ho
Mere Gham Mein Nihaan Ho Tum….

Meri Tou Saari Duniya Ho
Mera Sara Jahan Ho Tum…….

Meri Sochon Ka Mehwar Ho
Mera Zor-e-Bayaan Ho Tum……

Main To Lafz e Muhabbat Hoon
Magar Meri Zuban Ho Tum

Mohabbat Phool Hai Jana,

Kaho To Phool Ban Jaoon,

Tumhari Zindagi Ka Ek,

Haseen Asool Ban Jaoon.

Suna Hai Rait Pe Chal K,

Tum Aksar Mehk Jatay Ho,

Kaho To Ab K Bar Main ,

Zameen Ki Dhool Ban Jaoon.

Buhut Nayab Hotay Hain,

Jinhein Tum Apna Kehte Ho,

Ijaazat Do Ki Main Bhi,

Es Qadr Anmol Ban Jaoon

Mujhay Insaan Matt Kehnaa…

Agar Kuchh naam dainaa ho
Mujhay Insaan Matt Kehnaa
Juda chehray Juda bay-shak sabhi k naam hotay hai’n
Magar insaaniyat k ab yaha’n per daam hotay hai’n
Mere Tum daam matt dainaa
Mujhay ye naam matt dainaa
Agar kuchh naam dainaa ho
Mujhay ehsaas keh daina
Magar thehro!
Mujhay ehsaas matt kehnaa!
Mera bus naam reh jaay
Mujhay aisay nahi’n rehnaa
Mujhay ehsaas matt kehnaa
Agar kuchh naam daina ho
Mujhay saawan he keh daina
Magar Thehro!
Mujhay saawan nahi’n kehnaa
Barsata hai, magar rut k badaltay beet jaata hai
Mujhay saawan nahi’n kehnaa
Agar kuchh naam dainaa ho
Mujhay Aansoo he keh daina
Janam laina kisi ki aankh mai’n
rukhsaar per mernaa
Yehi jis ki haqeeqat hai
Chalo aansoo he keh dainaa
Magar daikho!
Kisi ki aankh mai’n mujh ko kabhi aanay nahi daina
K qeemat aansoo’on ki ab adaa tum se nahi’n ho gi
Nahi’n tum yoo’n nahi’n kehnaa
Mujhay Aansoo Nahi Kehnaa
Mujhay aankho’n main bastaa ik hasee’n sapna he keh daina
Haqeeqat kuchh nahi jis ki
chalo sapna he keh daina
ke sapnay aankh mai’n taaro’n ki tarha jhilmilaatay hai’n
Magar thehro!
Mujhay Sapna nahi’n kehnaa
ke Sapnay toot jaatay hain
Mujhay Apna nahi’n kehnaa
ke Apnay rooth jaatay hain